Ulah jero teuing teuleum teh
ambekan nu ngarojengja
nyeuseup jeung mudalkeun kahariwang
mending diteangan dina lencopna pucuk eurih
atawa dina tungtung kawih
nu kaciri ngagarayam lir sireum hideung dina walikat manehna
mawa duriat nu ngagurat

Geura kahariwang teh urang pasang dina heurap
teu kudu make leugeut atawa haseup menyan
cukup ku patumbu leungeun
bari neuteup ngan ulah haripeut
bisi jauh teuing ngawelah parahu
nu antukna hese mulang